انا خلاص تعبت ومش عارفة اتغير

||بسم الله الرحمن الرحيم




جمله كتير بنقولها

احنا تعبنا حاولنا ومش عارفين

حاولنا نبعد عن الغلط وغلطنا

حاولنا نبعد عن الكدب بس كدبنا

حاولت اصلى بس كسلت

وكنت عايز ابطل سجايير بس برده برجع تانى (ضعفت)

حاولت ابعد عن المخدرات والحشيش اللى بستخدمه

عشان اطلع من مشاكلى وانسى همومى

بس للاسف أتاكدت انى عبد للمخدرات مقدرش ابعد عنها (ضعفت)

بجد بجد يعنى حاولت ابعد عن البوى فريند بتاعى (حبيبى)

لاقيته وحشنى فرجعتله (اصلى بحبه طب وربنا مش بتحبيه)!!!!!

وعى فكرة فكرت البس كويس وابعد عن الهدوم الضايقة

بس بصرحة الموضة جميلة اوى وانا عايزه اعيش حياتى

ضعفنا وبعدنا وطلع معندناش اراده

قولنا هنتغير واخدنا اول خطوة بس للاسف رجعنا

تانى للصفر

غلطنا والغلط مغطينا ونسينا ان رب الكون شاهد علينا

شيفنا واحنا بنعمل سباق على المعصية

يوم ما نفكر نقرب منه بنفكر ميت الف مره قبل ما ناخد الخطوة دى

عايزه اسال سؤال

ليه ما نيجى نعمل المعصية مش بنفكر او مش بنأجلها

ويوم ما نيجى نقرب من الهنا بنفكر وبنأجل

ونقول خليها بكره طب بعده طب لما اخلص الدراسة

طب لما اخد كفيتى من الحاجة دى

عايزه اقولكم كملوا ومتبعدوش عن اى معصية بتعملوها

اذا كنتم عارفين وواثقين امتى يوم اللقاء وامتى هتموتوا

وامتى هتقابلوا خالق الكون

عشان تتوبوا لربنا قبليها بيوم


طبعا محدش يعرف معاد فراقه للحياة

خليك فاكر انك لما تموت مفيش امل للرجوع

هيبقى خلاص حياتك انتهت مفيش امل تجيب حسنات تانيه

(عمرك فما افنيته)

ألا تستحى يا انسان تعصيه وهو يراك

فلتقل لنفسك

الله معى ..... الله شاهد عليا ....... الله يرانى

اذا اردت ان ترى الله فلتنظر الى مخلوقاته وترى عظماته

اذا اردت ان ترى الله انظر الى السماء فسوف ترى قوته

فلتذكر دائما انه ينظر اليك ( فلتستحى منه )

فما احرج موقفك يا انسان عندما تقف امام الهك

(هلموا للعرض على الجبار )

هنقول ايه

مكناش فاضين .. كنا مشغولين


انا وانتم وكلنا غلطنه ولازم نرجع

ونذكر ربنا اللى بجد ملناش غيره

ادعونى استجب لكم ) صدقت يا رحمن

فين الردود

حلو اوى
مشكورة